SG_14_08_2013_1
SG_14_08_2013_2 SG_14_08_2013_3
នារសៀលថ្ងៃទី១៤ ខែសីហា ឆ្នាំ២០១៣ ឯកឧត្តម ឡោក ឆាយ អគ្គលេខាធិការរងព្រឹទ្ធសភា បានអញ្ជើញជា អធិបតីក្នុងពិធីបិទវគ្គបណ្តុះបណ្តាលស្តីពីភាសាចិន(ជំហានទី៣ និងទី៤) ដែលរៀបចំឡើងដោយ អគ្គលេខាធិការដ្ឋាន ព្រឹទ្ធសភា  សហការជាមួយនឹងវិទ្យាស្ថានខុងជឺ នៃរាជបណ្ឌិត្យសភា កម្ពុជា នៅសាលសិក្ខាសាលាខាងជើងវិមាន ព្រឹទ្ធសភា។
ឯកឧត្តម ឡោក ឆាយ អគ្គលេខាធិការរងព្រឹទ្ធសភា បានថ្លែងអំណរគុណចំពោះវិទ្យាស្ថានខុងជឺ នៃរាជបណ្ឌិត្យ សភាកម្ពុជា ដែលបានសហការជាមួយនឹងអគ្គលេខាធិការដ្ឋានព្រឹទ្ធសភា ក្នុងការរៀបចំបើកវគ្គបណ្ដុះបណ្ដាល ស្តីពីភាសាចិន(ជំហានទី៣ និងទី៤ )  ដែលបានចូលរួមពង្រឹងសមត្ថភាពមន្រ្តីរាជការនៃអគ្គលេខាធិការដ្ឋានព្រឹទ្ធ- សភា ខាងផ្នែកភាសាចិននាពេលនេះ ។
ឯកឧត្តម អគ្គលេខាធិការរងព្រឹទ្ធសភា បានមានប្រសាសន៍បន្តថា  អគ្គលេខាធិការដ្ឋានព្រឹទ្ធសភាកំពុងខិតខំជំរុញឲ្យ មន្ត្រីរាជការនៃអគ្គលេខាធិការដ្ឋានព្រឹទ្ធសភា ពង្រឹងសមត្ថភាពខាង ផ្នែកភាសាបរទេសដូចជា ភាសា អង់គ្លេស បារាំង កូរ៉េ និងភាសាចិន ក្នុងគោលបំណងពង្រឹងសមត្ថភាពភាសាបរទេសបន្ថែមទៀតដល់មន្រ្តីរាជការដើម្បីមានភាពងាយស្រួយ ក្នុងការទំនាក់ទំនង និងបំពេញការងារជូនអង្គភាពរៀងៗខ្លួនឲ្យកាន់តែប្រសើរឡើង។
ក្នុងឱកាសនោះដែរ ឯកឧត្តម អគ្គលេខាធិការរងព្រឹទ្ធសភា បានប្រគល់ប័ណ្ណសរសើរជូនដល់លោក ជា មុនីឫទ្ធិ នាយកវិទ្យាស្ថានខុងជឺនៃរាជបណ្ឌិត្យសភាកម្ពុជា ដែលតែងតែបានរួមចំណែកក្នុងការពង្រឹងពង្រីកទំនាក់ទំនងដ៏ល្អរវាង អគ្គលេខាធិការដ្ឋានព្រឹទ្ធសភា  និងវិទ្យាស្ថានខុងជឺ នៃរាជបណ្ឌិត្យសភាកម្ពុជាក្នុងការជួយបណ្តុះបណ្តាលភាសាចិនដល់ មន្ត្រីរាជការ នៃអគ្គលេខាធិការដ្ឋានព្រឹទ្ធសភា និងចែកវិញ្ញាប័ណ្ណបត្របញ្ជាក់សិក្សាជូនដល់សិក្ខាកាមសរុបចំនួន ៣៦នាក់ ៕

អត្ថបទ និងរូបភាព៖ នាយកដ្ឋានព័ត៌មាន

 
Go to top