ព័ត៌មានថ្មី​ ថ្នាក់ដឹកនាំ

កម្មវិធី

images/sss/iosapp.jpg
images/sss/download-google.jpg
images/sss/e-library.png
images/sss/law-database2.png

senat-leader-3-12-2012_1

senat-leader-3-12-2012_1

ឯកឧត្តម ទេព ងន អនុប្រធានទី២ ព្រឹទ្ធសភា បានអនុញ្ញាតឲ្យគណៈប្រតិភូសភាវៀតណាម ចូលជួប សំដែងការគួរសម និងពិភាក្សាការងារនាថ្ងៃទី០៣​ ខែធ្នូ ឆ្នាំ២០១២ វេលាម៉ោង ០២:៣០ នាទីរសៀល

កាលពីរសៀលថ្ងៃទី០៣​ ខែធ្នូ ឆ្នាំ២០១២ នៅវិមានព្រឹទ្ធសភា ឯកឧត្តម ទេព ងន អនុប្រធានទី២ព្រឹទ្ធសភា បានអនុញ្ញាតឲ្យឯកឧត្តម វិញ ង៉ុកស៊ឺន អនុប្រធានរដ្ឋសភា នៃសាធារណរដ្ឋសង្គមនិយមវៀតណាម ចូលជួបធ្វើសវនាការ និងសម្តែងការគួសម។
ថ្លែងក្នុងជំនួបសវនាការនេះ ឯកឧត្តម ទេព ងន អនុប្រធានទី២ព្រឹទ្ធសភា បានសម្តែងនូវសេចក្តីរីករាយ​ និងស្វាគមន៍យ៉ាងជ្រាលជ្រៅ ចំពោះ ដំណើរទស្សនកិច្ចរបស់  គណៈប្រតិភូនៅលើទឹកដីនៃព្រះរាជាណាចក្រកម្ពុជា​។ ហើយតាមរយៈដំណើរទស្សនកិច្ចនេះ បានរួម ចំណែកក្នុងការ រឹតចំណងសាមគ្គីភាពមិត្តភាព និងកិច្ចសហប្រតិបត្តិការរវាងប្រជាជននិងប្រទេសទាំងពីរកម្ពុជា-វៀតណាម ជាពិសេស អង្គការ នីតិប្បញ្ញត្តិ នៃប្រទេសទាំងពីរ ។

         ឯកឧត្តមអនុប្រធានទី២ព្រឹទ្ធសភា បានមានប្រសាសន៍ថា ប្រទេសកម្ពុជាតែងតែចាត់ទុកប្រទេសវៀតណាមជាមិត្តល្អ បងប្អូនល្អ  និងអ្នកជិតខាងល្អ ដែលអាចប្រាស្រ័យទាក់ទងគ្នា និងគាំទ្រគ្នាទៅវិញទៅមក ទាំងនៅក្នុងតំបន់ និងលើឆាកអន្តរជាតិ ។ ឯកឧត្តមក៏បាន ថ្លែងអំណរគុណចំពោះរដ្ឋសភាវៀតណាម ដែលបាន​ជួយឧត្ថម្ភសម្ភារៈចំបាច់មួយចំនួន​ដល់ព្រឹទ្ធសភាកម្ពុជា និងជួយបណ្តុះ បណ្តាល ភាសា វៀតណាមដល់​មន្ត្រីនៃអគ្គលេខា ធិការដ្ឋានព្រឹទ្ធសភា និងផ្តល់អាហារូបករណ៍ទៅរៀននៅប្រទេសវៀតណាម ។

          ឯកឧត្តមអនុប្រធានទី២ព្រឹទ្ធសភា បានជម្រាបអំពីសភាពការណ៍ទូទៅនៅប្រទេស   កម្ពុជា ដែលកន្លងទៅថ្មីៗនេះ ប្រទេស កម្ពុជា បានធ្វើជាម្ចាស់ផ្ទះនៃកិច្ចប្រជុំកំពូលអាស៊ានលើកទី២១ ដែលបានបពា្ចប់ទៅដោយជោគជ័យ។ ហើយកម្ពុជាបច្ចុប្បន្នកំពុងត្រៀម   លក្ខណៈសម្បត្តិ ដើម្បីរៀបចំការបោះឆ្នោតជ្រើសរើសតំណាងរាស្រ្តអាណត្តិទី៥ ដែលគ្រោងនឹងប្រព្រឹត្តទៅនាថ្ងៃទី២៨ ខែកក្កដា ឆ្នាំ ២០១៣ ខាងមុខ ប្រកបដោយលក្ខណៈត្រឹមត្រូវ​ និងយុត្តិធ័ម៌​។

ឯកឧត្តមអនុប្រធានទី២ព្រឹទ្ធសភា ក៏បានសំណូមពរតាមរយៈដំណើរទស្សនកិច្ចរបស់គណៈប្រតិភូវៀតណាមនៅពេលនេះ ដើម្បីជួយ ជំរុញ សំណើរបស់សម្តេចអគ្គមហាធម្មពោធិសាល ជា​ ស៊ីម ប្រធានព្រឹទ្ធសភា ដែលបានស្នើទៅឯកឧត្តម ង្វៀង ភូទ្រុង ក្នុងការផ្តល់ ជំនួយ សម្រាប់ ព្រឹទ្ធសភានីតិកាលទី៣ ​ ។

         ឯកឧត្តម វិញ ង៉ុកស៊ឺន អនុប្រធានរដ្ឋសភានៃសាធារណរដ្ឋសង្គមនិយមវៀត ណាម​ បានមានប្រសាសន៍ថ្លែងអំណរគុណ​ចំពោះ ឯកឧត្តម ទេព ងន និងសមាជិក សមាជិកាព្រឹទ្ធសភា ដែលបានចំណាយពេលដ៏មានតម្លៃក្នុងការទទួលជួបសវនាការនា ពេលនេះ។​

         ឆ្លៀតក្នុងឱកាសនេះឯកឧត្តម វិញ ង៉ុកស៊ឺន អនុប្រធានរដ្ឋសភា បានចូលរួមរំលែកទុក្ខដ៏ក្រៀមក្រំ ជាមួយនឹងព្រះករុណាព្រះបាទ ព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ព្រឹទ្ធសភា រដ្ឋសភា និងរាជរដ្ឋាភិបាល ចំពោះការយាងចូល ព្រះទិវង្គត់របស់ព្រះករុណាព្រះបាទ​សម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតាឯករាជ្យ បូរណភាពទឹកដី និងឯកភាព ជាតិខ្មែរ ។

ឯកឧត្តមក៏បានពាំនាំនូវការផ្តាំផ្ញើសាកសួរសុខទុក្ខពីសំណាក់បក្ស រដ្ឋាភិបាល និងប្រជាជនវៀតណាមចំពោះសម្តេច អគ្គមហាធម្មពោធិសាល ជា​ ស៊ីម ប្រធានព្រឹទ្ធសភា និងសូមជូនពរឲ្យដំណើរការបោះឆ្នោតជ្រើសរើសតំណាងរាស្រ្តអាណត្តិទី៥ នាពេល ខាងមុខទទួលបានជោគ ជ័យ។

ជាការឆ្លើយតបចំពោះសំណើរបស់ព្រឹទ្ធសភាកម្ពុជា ឯកឧត្តមនឹងទទួលយក ហើយនឹងរាយការណ៍ជូនទៅប្រធាន​រដ្ឋសភាវៀតណាម ផងដែរ ៕



រូបភាព ៖ នាយកដ្ឋានព័ត៌មានវិទ្យា

អត្ថបទ ៖ នាយកដ្ឋានព័ត៌មាន


ប្រតិទិនព្រឹទ្ធសភា

images/sss/calendarimage1.gif

ប្រតិទិនកម្មវិធី

No events

វីដេអូ

ទិដ្ឋភាពទាំងស្រុងនៃសម័យប្រជុំលើកទី១១ ព្រឹទ្ធសភានីតិកាលទី៣ នាថ្ងៃទី១៨ ខែមេសា ឆ្នាំ២០១៨។
សម្តេចវិបុលសេនាភក្តីសាយ ឈុំអនុញ្ញាតអោយឯកអគ្គរដ្ឋទូតគុយបាចូលជួបសម្តែងការគួរសម 01-03-2016
សម្តេចវិបុលសេនាភក្តីសាយ ឈុំអនុញ្ញាតអោយឯកអគ្គរដ្ឋទូតស្វីសចូលជួបសម្តែងការគួរសម ០២-០៣-២០១៦
សម្តេចវិបុលសេនាភក្តី សាយ ឈុំ បំពាក់មេដាយសមាជិកព្រឹទ្ឌសភា

កម្មវិធី

អគ្គលេខាធិការព្រឹទ្ធសភា

ឯកឧត្តម ផន សុគីម អគ្គលេខាធិការរងព្រឹទ្ធសភា អញ្ជើញជាអធិបតីស្តាប់បទបង្ហាញស្តីពី និតិវិធី នៃ​ការចុះបញ្ជីមន្ត្រីសាធារណៈ និងនិតីវិធីនៃការប្រើបា្រស់សេវារបស់បេឡាជាតិរបបសន្តិសុខសង្គម

នាព្រឹកថ្ងៃទី០៧​ ខែកញ្ញា​ ឆ្នាំ២០១៨​​​ នៅសាលសិក្ខាសាលាខាងជើង វិមានព្រឹទ្ធសភា​ ឯកឧត្ត

Read More
ឯកឧត្តម​ ផន​ សុគីម​ អគ្គលេខាធិការរង​ព្រឹទ្ធសភា បានអញ្ជើញជាអធិបតីភាពក្នុងកម្មវិធីបាឋកថាស្តីពី​ គោលនយោបាយគ្រប់គ្រងជនជាតិភាគតិចប្រកបដោយប្រសិទ្ធភាពក្នុងប្រទេសចិន

នារសៀលថ្ងៃទី០៦​ ខែកញ្ញា​ ឆ្នាំ២០១៨​​​ នៅសាលសិក្ខាសាលាខាងព្រឹទ្ធសភា​ ឯកឧត្តម​ ផន​ សុគ

Read More
ឯកឧត្តម អ៊ុំ សារឹទ្ធ អគ្គលេខាធិការព្រឹទ្ធសភា បានអញ្ជើញជាអធិបតីភាពក្នុងកិច្ចប្រជុំផ្ទៃក្នុងជាមួយនឹងមន្ត្រីបច្ចេកទេសជំនាញហិរញ្ញវត្ថុ របស់នាយដ្ឋានហិរញ្ញវត្ថុ

នាព្រឹកថ្ងៃពុធ ១០រោច ខែស្រាពណ៍ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី៥ ខែកញ្ញា ឆ

Read More

 
Go to top