ព័ត៌មានថ្មី​ ថ្នាក់ដឹកនាំ

l_23_4_2015_1 l_23_4_2015_2
l_23_4_2015_3 l_23_4_2015_4

នាព្រឹកថ្ងៃទី២៣ ខែមេសា ឆ្នាំ២០១៥ នៅវត្តគគីរធំ ស្រុកកៀនស្វាយ ខេត្តកណ្តាលក្រុមសមាជិកព្រឹទ្ធសភាប្រចាំភូមិភាគទី៣ បានរៀបចំសិក្ខាសាលាស្តីពីការលើកកម្ពស់ការផ្តល់សេវាសាធារណៈ និងការពង្រឹងតួនាទីភារកិច្ចរបស់ក្រុមប្រឹក្សាឃុំ ក្នុងការអភិវឌ្ឍមូលដ្ឋានដោយធានាសមភាពយេនឌ័រ ក្រោមអធិបតីភាពឯកឧត្តម ទេព ងនអនុប្រធានទី២ព្រឹទ្ធសភានៃព្រះរាជាណាចក្រកម្ពុជា ដោយមានការ អញ្ជើញចូលរួមពីសមាជិកសមាជិកាព្រឹទ្ធសភា រដ្ឋសភា រាជរដ្ឋាភិបាល ថ្នាក់ដឹកនាំនៃអគ្គលេខាធិការដ្ឋានព្រឹទ្ធសភា សមាជិកសមាជិកាក្រុមប្រឹក្សាឃុំ-សង្កាត់ និងប្រជាពលរដ្ឋ ក្នុងស្រុកកៀនស្វាយ និងស្រុកលើកដែក ខេត្តកណ្តាល។


ថ្លែងក្នុងឱកាសបើកអង្គវេទិកា ឯកឧត្តម ទេព ងនអនុប្រធានទី២ព្រឹទ្ធសភាបានមានប្រសាសន៍ថា ព្រឹទ្ធសភានៃព្រះរាជាណាចក្រកម្ពុជាចាប់ពីនីតិកាលទី២ និងនីតិកាលទី៣កើតឡើងពីការបោះឆ្នោត។ សមាជិកព្រឹទ្ធសភាភាគច្រើនលើសលុបត្រូវបានជ្រើសតាំងដោយសមាជិកក្រុមប្រឹក្សាឃុំ-សង្កាត់ និងអ្នកតំណាងរាស្រ្តក្នុងតំណែង។ ហេតុនេះសមាជិកព្រឹទ្ធសភាជាតំណាងឲ្យសិទ្ធិ និងផលប្រយោជន៍របស់ក្រុមប្រឹក្សាឃុំ សង្កាត់ដែលជាម្ចាស់ឆ្នោតនៅក្នុងភូមិភាគទាំង៨ព្រមទាំងផលប្រយោជន៍របស់ប្រជាជាតិខ្មែរទាំងមូល។
ឯកឧត្តម បានមានប្រសាសន៍បន្តថា ដោយសារភាពតំណាងនេះ សមាជិកព្រឹទ្ធសភាត្រូវយកចិត្តទុកដាក់ ស្តាប់មតិយោបល់ សំណូមពរ បញ្ហាប្រឈមនានារបស់ក្រុមប្រឹក្សាឃុំ សង្កាត់ ទាំងលើការប្រតិបត្តិការងារជាក់ស្តែង និងការអនុវត្តលទ្ធិប្រជាធិបតេយ្យសេរីពហុបក្សនៅថ្នាក់មូលដ្ឋាន តាមរយៈការចូលរួម រិះរកវិធីសាស្រ្តដោះស្រាយនូវសំណូមពរ បញ្ហាប្រឈមរបស់ម្ចាស់ឆ្នោត និងប្រជាពលរដ្ឋ ព្រមទាំងជួយជំរុញដំណើរការវិមជ្ឈការនៅមូលដ្ឋានទូទាំងប្រទេសឲ្យប្រព្រឹត្តទៅបានរលូនកាន់តែស៊ីជម្រៅ និងគ្រប់ជ្រុងជ្រោយ។ ទន្ទឹមនឹងនេះប្រជាធិបតេយ្យនៅថ្នាក់ជាតិ និងប្រជាធិបតេយ្យនៅថ្នាក់មូលដ្ឋានត្រូវដើរទន្ទឹមគ្នា នោះទើបប្រជាជាតិយើងទទួលបាននូវភាពសុខដុមរមនា និងការអភិវឌ្ឍពិតប្រាកដ។ ឆ្លងតាមសកម្មភាពជាច្រើននាពេលកន្លងមក បានបង្ហាញថា សមាជិក សមាជិកាព្រឹទ្ធសភាបាននឹងកំពុងខិតខំអនុវត្តតួនាទីភារកិច្ចរបស់ខ្លួនយ៉ាងសកម្មក្នុងការចុះមូលដ្ឋានដើម្បីស្វែងយល់អំពីការងារ សួរសុខទុក្ខ ចែកអំណោយដល់ប្រជាជនរងគ្រោះ និងរៀបចំវេទិកានៅតាមភូមិភាគនានា ដូចជាវេទិកានៅថ្ងៃនេះជាដើម។
ឯកឧត្តម បានមានប្រសាសន៍បន្តទៀតថាតាមរយៈវេទិកានេះ សង្ឃឹមថាអ្នកចូលរួមទាំងអស់ ជាពិសេសសមាជិកសមាជិកាក្រុមប្រឹក្សាឃុំ ស្មៀនឃុំ និងប្រជាពលរដ្ឋ នឹងចូលរួមមតិយោបលយ៉ាងផុសផុលដើម្បីជាគុណប្រយោជន៍ ក្នុងការអនុវត្តមូលដ្ឋានរបស់យើងទាំងអស់គ្នា។ បន្ថែមពីនេះ សមាជិកព្រឹទ្ធសភា និងអ្នកពាក់ព័ន្ធ ក៏នឹងបន្តរួមគ្នាចូលរួមរកដំណោះស្រាយចំពោះបញ្ហាប្រឈម និងក្តីកង្វល់នានាដែលនៅសេសសល់ តាមរយៈការកសាងគោលនយោបាយ ការលើកសំណើវិសោធនកម្មច្បាប់ និងការលើកសំណូមពរទៅក្រសួងនិងស្ថាប័នពាក់ព័ន្ធ៕

អត្ថបទ និងរូបភាព៖នាយកដ្ឋានព័ត៌មាន

ប្រតិទិនព្រឹទ្ធសភា

images/sss/calendarimage1.gif

ប្រតិទិនកម្មវិធី

No events

វីដេអូ

ទិដ្ឋភាពទាំងស្រុងនៃសម័យប្រជុំលើកទី១១ ព្រឹទ្ធសភានីតិកាលទី៣ នាថ្ងៃទី១៨ ខែមេសា ឆ្នាំ២០១៨។
សម្តេចវិបុលសេនាភក្តីសាយ ឈុំអនុញ្ញាតអោយឯកអគ្គរដ្ឋទូតគុយបាចូលជួបសម្តែងការគួរសម 01-03-2016
សម្តេចវិបុលសេនាភក្តីសាយ ឈុំអនុញ្ញាតអោយឯកអគ្គរដ្ឋទូតស្វីសចូលជួបសម្តែងការគួរសម ០២-០៣-២០១៦
សម្តេចវិបុលសេនាភក្តី សាយ ឈុំ បំពាក់មេដាយសមាជិកព្រឹទ្ឌសភា

កម្មវិធី

អគ្គលេខាធិការព្រឹទ្ធសភា

ឯកឧត្តម ផន សុគីម អគ្គលេខាធិការរងព្រឹទ្ធសភា អញ្ជើញជាអធិបតីស្តាប់បទបង្ហាញស្តីពី និតិវិធី នៃ​ការចុះបញ្ជីមន្ត្រីសាធារណៈ និងនិតីវិធីនៃការប្រើបា្រស់សេវារបស់បេឡាជាតិរបបសន្តិសុខសង្គម

នាព្រឹកថ្ងៃទី០៧​ ខែកញ្ញា​ ឆ្នាំ២០១៨​​​ នៅសាលសិក្ខាសាលាខាងជើង វិមានព្រឹទ្ធសភា​ ឯកឧត្ត

Read More
ឯកឧត្តម​ ផន​ សុគីម​ អគ្គលេខាធិការរង​ព្រឹទ្ធសភា បានអញ្ជើញជាអធិបតីភាពក្នុងកម្មវិធីបាឋកថាស្តីពី​ គោលនយោបាយគ្រប់គ្រងជនជាតិភាគតិចប្រកបដោយប្រសិទ្ធភាពក្នុងប្រទេសចិន

នារសៀលថ្ងៃទី០៦​ ខែកញ្ញា​ ឆ្នាំ២០១៨​​​ នៅសាលសិក្ខាសាលាខាងព្រឹទ្ធសភា​ ឯកឧត្តម​ ផន​ សុគ

Read More
ឯកឧត្តម អ៊ុំ សារឹទ្ធ អគ្គលេខាធិការព្រឹទ្ធសភា បានអញ្ជើញជាអធិបតីភាពក្នុងកិច្ចប្រជុំផ្ទៃក្នុងជាមួយនឹងមន្ត្រីបច្ចេកទេសជំនាញហិរញ្ញវត្ថុ របស់នាយដ្ឋានហិរញ្ញវត្ថុ

នាព្រឹកថ្ងៃពុធ ១០រោច ខែស្រាពណ៍ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី៥ ខែកញ្ញា ឆ

Read More

 
Go to top