ព័ត៌មានថ្មី​ ថ្នាក់ដឹកនាំ

ឯកឧត្តម ទេព ងន បានដឹកនាំគណៈប្រតិភូព្រឹទ្ធសភាកម្ពុជា ចូលរួមជំនួបទ្វេភាគីជាមួយឯកឧត្តម Yin Li អភិបាលខេត្តសុីឈួន ប្រធានគណៈកម្មាធិការរៀបចំពិធីពិព័រណ៍អន្តជាតិចិនភាគខាងលិច លើកទី១៧ (17th WCIF)
ឯកឧត្តម ទេព​ ងន អនុប្រធានទី២ព្រឹទ្ធសភា​ និងគណៈប្រតិភូព្រឹទ្ធសភាកម្ពុជា បានអញ្ជើញទៅទស្សនកិច្ចមជ្ឈមណ្ឌលស្រាវជ្រាវការបំបៅខ្លាឃ្មុំPandaរបស់ទីក្រុងChengdu
គណៈប្រតិភូព្រឹទ្ធសភាកម្ពុជាដឹកនាំដោយឯកឧត្តម ទេព ងន អនុប្រធានទី២ ព្រឹទ្ធសភា បានចូលរួមពិធីបើកពិព័រណ៍អន្តជាតិចិនភាគខាងលិច លើកទី១៧ (17th WCIF)
cm1-16-07-2014-1 cm1-16-07-2014-2
cm1-16-07-2014-3 cm1-16-07-2014-4

នាព្រឹកថ្ងៃទី១៦ ខែកក្កដា ឆ្នាំ២០១៤ នៅបន្ទប់ប្រជុំអគ្គនាយកដ្ឋានពន្ធនាគារ ទីស្តីការក្រ សួងមហាផ្ទៃ គណៈប្រតិភូគណៈកម្មការសិទ្ធិមនុស្ស ទទួលពាក្យបណ្តឹង និងអង្កេតនៃព្រឹទ្ធសភា (គណៈកម្មការទី១ព្រឹទ្ធសភា) ដឹកនាំដោយឯកឧត្តម អ៊ុក គង់ អនុប្រធានគណៈកម្មការ បានជួបពិភាក្សាការងារជាមួយនឹងឯកឧត្តម គុយ ប៊ុនសន អគ្គនាយកពន្ធនាគារ នៃក្រសួងមហាផ្ទៃ ដើម្បីសិក្សាឈ្វេងយល់អំពីការអនុវត្តច្បាប់ ស្តីពីការគ្រប់គ្រងពន្ធនាគារ និងស្ថានភាពអ្នកជាប់ឃុំឃាំងក្នុងពន្ធនាគារនៅក្នុងព្រះរាជាណាចក្រកម្ពុជា។
ឯកឧត្តម គុយ ប៊ុនសន អគ្គនាយកពន្ធនាគារ បានមានប្រសាសន៍ថា ផ្អែកលើច្បាប់ស្តីពីពន្ធនាគារ អគ្គនាយកដ្ឋានបានខិតខំអនុវត្តការងារគ្រប់គ្រងជនជាប់ឃុំឲ្យធានាបានសន្តិសុខ សុវត្ថិភាព សុខភាព និងមនុស្សធម៌ស្របតាមគោលការណ៍អន្តរជាតិ និងវិធានការណ៍សហប្រជាជាតិដោយផ្តោតលើចំណុចសំខាន់ៗដូចជា ការរៀបចំអ្នកទោសដោយអនុវត្តតាមនីតិវិធីពន្ធនាគារយ៉ាងខ្ជាប់ខ្ជួន រក្សាសិទ្ធិ និងផលប្រយោជន៍របស់ជនជាប់ឃុំ ធានា និងការពារស្មើគ្នាចំពោះមុខច្បាប់។
ឯកឧត្តម បានមានប្រសាសន៍បន្តថា បច្ចុប្បន្ននៅតាមមណ្ឌលអប់រំកែប្រែ និងពន្ធធនាគារ បាននឹងកំពុងធ្វើការបណ្តុះបណ្តាលយ៉ាងសកម្មនូវមុខជំនាញវិជ្ជាជីវៈផ្សេងៗដល់ទណ្ឌិត ឲ្យមានជំនាញវិជ្ជាជីវៈសម្រាប់ចិញ្ជឹមជីវិតនៅពេលពួកគេវិលត្រលប់ទៅរស់ក្នុងសហគមន៍វិញ។ ជំនាញទាំងនោះរួមមាន៖ ជំនាញអេឡិចត្រូនិច ជួសជុលម៉ូតូ កាត់ដេរ គូរគំនូរ ភាសាអង់គ្លេស កុំព្យូទ័រ សិប្បកម្ម ចម្លាក់ឈើ ចំណេះដឹងទូទៅ ភ្លេងប្រពៃណី តម្បាញផាមួង បំណិនជីវិត និងការអប់រំផ្លួវ ចិត្ត ជាមួយគ្នានោះ អគ្គនាយកដ្ឋាន បានរៀបចំឲ្យមានបណ្ណាល័យនៅក្នុងពន្ធនាគារ ដើម្បីផ្តល់ឱកាសឲ្យពួកគេបានសិក្សាស្រាវជ្រាវបង្កើនចំណេះដឹង និងកែប្រែខ្លួនក្លាយជាពលរដ្ឋល្អ ដើម្បីរួមចំណែកកាត់បន្ថយបទលើ្មសនៅក្នុសហគមន៍ផងដែរ។
ឯកឧត្តម អ៊ុក គង់ អនុប្រធានគណៈកម្មការទី១ព្រឹទ្ធសភា បានមានប្រសាសន៍ថ្លែងអំណរគុណយ៉ាងជ្រាលជ្រៅដល់ឯកឧត្តម អគ្គនាយកពន្ធនាគារ ដែលបានទទួលស្វាគមន៍យ៉ាងកក់ក្តៅដល់គណៈប្រតិភូ។ ដោយឡែកគោលបំណងនៃជំនួបពិភាក្សាការងារនាពេលនេះ គឺដើម្បីសិក្សាឈ្វេងយល់ពីការអនុវត្តច្បាប់ ស្តីពីការគ្រប់គ្រងពន្ធនាគារ និងស្ថានភាពអ្នកជាប់ឃុំឃាំងក្នុងពន្ធនាគារ ដែលជាវិស័យជំនាញរបស់គណៈកម្មការសិទ្ធិមនុស្ស ទទួលពាក្យបណ្តឹង និងអង្កេត នៃ ព្រឹទ្ធសភា។
ឯកឧត្តម បានមានប្រសាសន៍បន្តថា គោលបំណងក្នុងការដាក់ទោស គឺដើម្បីអប់រំកែប្រែនូវអំពើដែលបានប្រព្រឹត្តខុសនឹងច្បាប់ និងណែនាំឲ្យប្រព្រឹត្តិអំពើល្អក្នុងសង្គមជាតិវិញ ហេតុនេះនៅតាមមណ្ឌលអប់រំកែប្រែ និងពន្ធធនាគារ ត្រូវមានចក្ខុវិស័យខ្ពស់ក្នុងការអប់រំ និងផ្តល់ជំនាញវិជ្ជាជីវៈផ្សេងៗដល់ពួកគេ ដើម្បីប្រកបវិជ្ជាជីវៈចិញ្ចឹមជីវិត ក្រោយពេលដែលចេញពីពន្ធនាគារ ។
ឯកឧត្តម បានកោតសរសើរ និងវាយតម្លៃខ្ពស់ដល់ថ្នាក់ដឹកនាំ នៃអគ្គនាយកដ្ឋានពន្ធនាគារនៃក្រសួងមហាផ្ទៃ ដែលបានខិតខំយកចិត្តប្រឹងប្រែងអស់កម្លាំងកាយចិត្តក្នុងការអភិវឌ្ឍពន្ធនាគារឲ្យកាន់តែមានកម្រិតស្តង់ដារ និងស្របតាមគោលការណ៍អន្តរជាតិ៕

អត្ថបទ និងរូបភាព ៖ នាយកដ្ឋានព័ត៌មាន


ប្រតិទិនព្រឹទ្ធសភា

images/sss/calendarimage1.gif

ប្រតិទិនកម្មវិធី

No events

វីដេអូ

ទិដ្ឋភាពទាំងស្រុងនៃសម័យប្រជុំលើកទី១១ ព្រឹទ្ធសភានីតិកាលទី៣ នាថ្ងៃទី១៨ ខែមេសា ឆ្នាំ២០១៨។
សម្តេចវិបុលសេនាភក្តីសាយ ឈុំអនុញ្ញាតអោយឯកអគ្គរដ្ឋទូតគុយបាចូលជួបសម្តែងការគួរសម 01-03-2016
សម្តេចវិបុលសេនាភក្តីសាយ ឈុំអនុញ្ញាតអោយឯកអគ្គរដ្ឋទូតស្វីសចូលជួបសម្តែងការគួរសម ០២-០៣-២០១៦
សម្តេចវិបុលសេនាភក្តី សាយ ឈុំ បំពាក់មេដាយសមាជិកព្រឹទ្ឌសភា

កម្មវិធី

អគ្គលេខាធិការព្រឹទ្ធសភា

ឯកឧត្តម ផន សុគីម អគ្គលេខាធិការរងព្រឹទ្ធសភា អញ្ជើញជាអធិបតីស្តាប់បទបង្ហាញស្តីពី និតិវិធី នៃ​ការចុះបញ្ជីមន្ត្រីសាធារណៈ និងនិតីវិធីនៃការប្រើបា្រស់សេវារបស់បេឡាជាតិរបបសន្តិសុខសង្គម

នាព្រឹកថ្ងៃទី០៧​ ខែកញ្ញា​ ឆ្នាំ២០១៨​​​ នៅសាលសិក្ខាសាលាខាងជើង វិមានព្រឹទ្ធសភា​ ឯកឧត្ត

Read More
ឯកឧត្តម​ ផន​ សុគីម​ អគ្គលេខាធិការរង​ព្រឹទ្ធសភា បានអញ្ជើញជាអធិបតីភាពក្នុងកម្មវិធីបាឋកថាស្តីពី​ គោលនយោបាយគ្រប់គ្រងជនជាតិភាគតិចប្រកបដោយប្រសិទ្ធភាពក្នុងប្រទេសចិន

នារសៀលថ្ងៃទី០៦​ ខែកញ្ញា​ ឆ្នាំ២០១៨​​​ នៅសាលសិក្ខាសាលាខាងព្រឹទ្ធសភា​ ឯកឧត្តម​ ផន​ សុគ

Read More
ឯកឧត្តម អ៊ុំ សារឹទ្ធ អគ្គលេខាធិការព្រឹទ្ធសភា បានអញ្ជើញជាអធិបតីភាពក្នុងកិច្ចប្រជុំផ្ទៃក្នុងជាមួយនឹងមន្ត្រីបច្ចេកទេសជំនាញហិរញ្ញវត្ថុ របស់នាយដ្ឋានហិរញ្ញវត្ថុ

នាព្រឹកថ្ងៃពុធ ១០រោច ខែស្រាពណ៍ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី៥ ខែកញ្ញា ឆ

Read More

 
Go to top