កាលពីព្រឹកថ្ងៃទី១២ ខែធ្នូ ឆ្នាំ២០១២​ នៅវិមានព្រឹទ្ធសភា លោកជំទាវ មាន សំអាន ប្រធានគណៈកម្មការសុខាភិបាល សង្គមកិច្ច​ អតីតយុទ្ធជន យុវនីតិ​សម្បទា ការងារ​​​បណ្តុះបណ្តាលវិជ្ជាជីវៈ និងកិច្ចការនារី ហៅកាត់គណៈកម្មការទី៨ព្រឹទ្ធសភា​​ បានអនុញ្ញាត ឲ្យលោក AL exander Read មន្ត្រីផ្នែក​ស្រាវ​​ជ្រាវ​ជាន់ខ្ពស់​វិទ្យាស្ថានសភាកម្ពុជា ចូលជួប​ពិភាក្សាការងារ ក្នុងគោលបំណងពង្រឹងពង្រីកកិច្ចសហប្រតិបត្តិការ រវាងគណៈកម្មការទី៨ ព្រឹទ្ធសភា ជាមួយនឹងវិទ្យាស្ថានសភាកម្ពុជា៕

កាលពីព្រឹកថ្ងៃទី០៦ ខែធ្នូ ឆ្នាំ២០១២ នៅសាលប្រជុំពិសេសកណ្តាល វិមានព្រឹទ្ធសភា លោកជំទាវ មាន សំអានប្រធាន គណៈកម្មការ សុខាភិបាល សង្គមកិច្ច អតីតយុទ្ធជន យុវនីតិសម្បទា ការងារបណ្តុះបណ្តាលវិជ្ជាជីវៈ និងកិច្ចការនារី ហៅកាត់ គណៈកម្មការ ទី៨ព្រឹទ្ធសភា និងជាប្រធានក្រុមមិត្តភាពកម្ពុជា-វៀតណាមប្រចាំព្រឹទ្ធសភា បានបើកកិច្ចប្រជុំផ្ទៃក្នុងក្រុមមិត្តភាព ដើម្បីបូកសរុបលទ្ធផលការងារ និងរបាយការណ៍ចំណាយថវិកាប្រចាំឆ្នាំ២០១២ និងពិនិត្យផែនការសកម្មភាព សម្រាប់ អនុវត្ត ឆ្នាំ២០១៣៕

កាលពីថ្ងៃទី០៤ ខែឆ្នូ ឆ្នាំ២០១២ គណៈកម្មការសុខាភិបាល សង្គមកិច្ច អតីតយុទ្ធជន យុវនីតិសម្បទា ការងារបណ្តុះបណ្តាល វិជ្ជាជីវៈ និងកិច្ចការនារី ហៅកាត់គណៈកម្មការទី៨ព្រឹទ្ធសភា ដឹកនាំដោយលោកជំទាវ មាន សំអាន ប្រធានគណៈកម្មការ បាន អញ្ជើញជួប​ពិភាក្សាការងារ ជាមួយនឹងឯកឧត្តម អ៊ិត សំហេង រដ្ឋមន្ត្រីក្រសួងសង្គមកិច្ច​ អតីតយុទ្ធជន និង យុវនីតិសម្បទា នៅ ទីស្តីការក្រសួង។

ឯកឧត្តម​ អ៊ិត​ សំហេង រដ្ឋមន្ត្រីក្រសួងសង្គមកិច្ច អតិតយុទ្ធជន និងយុវនីតិសម្បទា បានមានប្រសាសន៍ ស្វាគមន៍យ៉ាងកក់ក្តៅ និងកោតសរសើចំពោះវត្តមាន​របស់គណៈប្រតិភូគណៈ​កម្មការទី៨ព្រឹទ្ធសភា​​​ ដែលបានអញ្ជើញចុះឈ្វេងយល់អំពីការងារ ដែល ក្រសួងបាន​អនុវត្ត​នាពេល កន្លងមក។​