កាលពីថ្ងៃទី២១​  ខែកុម្ភៈឆ្នាំ២០១៣នៅសាលាខេត្តកែបគណៈប្រតិភូគណៈកម្មការសិទ្ធិមនុស្ស ទទួលពាក្យបណ្តឹង និងអង្កេត ហៅកាត់គណៈកម្មការទី១ព្រឹទ្ធសភាដឹកនាំដោយឯកឧត្តម គឹម ណាំង  អនុប្រធានគណៈកម្មការទី១ព្រឹទ្ធសភា និង ឯកឧត្តម អ៊ុក គង់ លេខាធិការ បានអញ្ជើញជួបសវនាការការងារជាមួយនឹងអាជ្ញាធរខេត្តបណ្តាមន្ទីរ អង្គភាពនានាជុំវិញ និងអាជ្ញាធរមាន សមត្ថកិច្ចគ្រប់លំដាប់ថ្នាក់ ដែលដឹកដោយលោកជំទាវព្រំ ចំរើនអភិបាលរងខេត្តកែប។

កាលពីថ្ងៃទី២០​  ខែកុម្ភៈ  ឆ្នាំ២០១៣ នៅសាលាខេត្តកំពត  គណៈប្រតិភូគណៈកម្មការ សិទ្ធិមនុស្ស ទទួលពាក្យបណ្តឹង និង អង្កេត ហៅកាត់ គណៈកម្មការទី១ព្រឹទ្ធសភា ដឹកនាំដោយឯកឧត្តម គឹម ណាំង  អនុប្រធានគណៈកម្មការទី១ព្រឹទ្ធសភា និង ឯកឧត្តម  អ៊ុក គង់ លេខាធិការ បានអញ្ជើញចុះទៅជួបសវនាការការងារជាមួយនឹងអាជ្ញាធរខេត្ត ចៅក្រម ព្រះរាជអាជ្ញាអម សាលាដំបូង ស្នងការប៉ូលីស មេបញ្ជាការរងកងរាជអាវុធហត្ថ មេបញ្ជាការប្រតិបត្តិការសឹក  និងមន្ទីរពាក់ព័ន្ធសាលាខេត្តទាំង អស់ ដែលដឹកដោយឯកឧត្តម  អ៊ឹង ម៉េងហួរ អភិបាលរងខេត្តកំពត ដើម្បីសិក្សាឈ្វេងយល់អំពីស្ថានភាពសិទ្ធិមនុស្ស និងការ អនុវត្តច្បាប់ ព្រមទាំងប្រមូលព័ត៌មានទាក់ទងនឹងវិស័យជាសមត្ថកិច្ចរបស់​គណៈកម្មការទី១ព្រឹទ្ធសភា ។

កាលពីថ្ងៃទី១៩​  ខែកុម្ភៈ  ឆ្នាំ២០១៣ នៅសាលប្រជុំសាលាខេត្តព្រះសីហនុ  គណៈប្រតិភូ   គណៈកម្មការសិទ្ធិមនុស្ស ទទួលពាក្យបណ្តឹង និងអង្កេត ហៅកាត់គណៈកម្មការទី១ព្រឹទ្ធសភា ដឹកនាំដោយ ឯកឧត្តម​  យ៉ង់ សែម ប្រធានគណៈកម្មការ អមដំណើរដោយ​ឯកឧត្តម គឹម ណាំង  អនុប្រធាន និងឯកឧត្តម  អ៊ុក គង់ លេខាធិការ បានអញ្ជើញជួបសវនាការការងារ ជាមួយនឹងអាជ្ញាធរខេត្ត ចៅក្រម ព្រះរាជអាជ្ញាអមសាលាដំបូងខេត្ត ស្នងការប៉ូលីស មេបញ្ជាការរងកងរាជអាវុធហត្ថ មេ បញ្ជាការប្រតិបត្តិការសឹក  និងមន្ទីរពាក់ព័ន្ធនានា ដែលដឹកនាំដោយឯកឧត្តម  ចីវ    គឹមហេង អភិបាលរងខេត្តព្រះសីហនុ ដើម្បីសិក្សាឈ្វេងយល់អំពីស្ថានភាពសិទ្ធិមនុស្ស និងការអនុវត្តច្បាប់ ព្រមទាំងប្រមូលព័ត៌មានទាក់ទងនឹងវិស័យជាសមត្ថ- កិច្ចរបស់​គណៈកម្មការទី១ព្រឹទ្ធ សភា ។

កាលពីព្រឹកថ្ងៃទី១៨  ខែកុម្ភៈ  ឆ្នាំ២០១៣ នៅសាលាស្រុកស្ទឹងហាវ  គណៈប្រតិភូគណៈកម្មការសិទ្ធិមនុស្សទទួលពាក្យ បណ្តឹងនិងអង្កេតនៃព្រឹទ្ធសភា ហៅកាត់ថា គណៈកម្មការទី១ព្រឹទ្ធសភា ដឹកនាំដោយ  ឯកឧត្តម​  យ៉ង់ សែម ប្រធានគណៈ កម្មការ​​ទី១ព្រឹទ្ធសភា អមដំណើរដោយ​ឯកឧត្តម គឹម ណាំង  អនុប្រធាន និងឯកឧត្តម អ៊ុក គង់ លេខាធិការបានអញ្ជើញ ចុះទៅជួបសវនាការងារជាមួយនឹងប្រធានក្រុមប្រឹក្សាឃុំ ជាមេឃុំ ជំទប់​ទី១   ប្រធានសមាគមក្រុមប្រឹក្សាឃុំ និងមេភូមិ ចំនួន១៧រូប មកពី៤ឃុំ នៅទូទាំងស្រុកស្ទឹងហាវ ខេត្តព្រះសីហនុ។