| ឯកឧត្តម ប្រាក់ ចំរើន និងលោកជំទាវ អញ្ជើញនាំទៀនព្រះវស្សា និងសម្ភារៈយកទៅប្រគេនព្រះសង្ឃចំនួន ០៣វត្ត នៅខេត្តតាកែវ និងខេត្តកណ្តាល |
| ថ្ងៃព្រហស្បតិ៍ ទី02ខែសីហាឆ្នាំ2012ម៉ោង11:10 |
ដើម្បីចូលរួមក្នុងកម្មវិធីបុណ្យព្រះពុទ្ធសាសនា ក៏ដូចជាធ្វើបុណ្យឧទ្ទិសកុសល្យជូន វិញ្ញាណក្ខ័ន្ធញាតិកាទាំងប្រាំពីសណ្តាន ដែលបានចែកឋានទៅហើយនោះ កាលពីថ្ងៃទី ២១ និង៣១ ខែកក្កដា ឆ្នាំ២០១២ ឯកឧត្តម ប្រាក់ ចំរើន សមាជិក ព្រឹទ្ធសភា នៃព្រះរាជា-ណាចក្រកម្ពុជា និងលោកជំទាវ ព្រមទាំងក្រុមគ្រួសារបាននាំយកនូវទៀនព្រះវស្សា និងទេយ្យវត្ថុមួយចំនួនទៅប្រគេនព្រះសង្ឃដែលគង់ចាំព្រះវស្សាចំនួន ០៣វត្ត រួមមានវត្តដំណាក់អំពិល និងវត្តព្រៃពួច ស្ថិតនៅស្រុកអង្គស្នួល ខេត្តកណ្តាល ដែលមួយវត្តៗទទួលបានបច្ច័យ ទៀនព្រះវស្សា០១គូរ, ៥០០,០០០រៀល, អង្ករ០២បាវ(១០០គីឡូ- ក្រាម), ប្រេងម៉ាស៊ូត០១ហ្វុយ (២២០លីត្រ), មី០៥កេស, ទឹក ក្រូច០៥កេស,ស្ករស០៥ គីឡូក្រាម,ទឹកដោះគោ០១ កេស, ទឹកត្រី០២យួរ, ទឹកស៊ីអ៊ីវ០២យួរ សរុបជាទឹក ប្រាក់ប្រហែល ១,២០០ដុល្លារ ។ ដោយឡែកវត្តទួល ដែលស្ថិតនៅឃុំសឹង្ហ ស្រុក សំរោង ខេត្តតាកែវ ទទួលបានបច្ច័យចំនួន ទៀនព្រះវស្សា០១គូរ, ៥០០,០០០រៀល, ប្រេងម៉ាស៊ូត០២ហ្វុយ (៤០០លីត្រ), អង្ករ ០៣បាវ(១៥០គីឡូក្រាម), ត្រីខ០១កេស, មី ០២កេស, ទឹកត្រី០៣យួរ, ទឹកស៊ីអ៊ីវ០៣ យួរ, ស្ករស០៥គីឡូក្រាម និងចូលរួមកសាងសាលាឆ័ននូវស៊ីម៉ង់៥០តោន ដែក២០ តោនគិតជាទឹកប្រាក់ជាង២ម៉ឺនដុល្លារ ។ |
