តួនាទី ភារកិច្ច និងសមត្ថកិច្ចរបស់គណៈកម្មការសុខាភិបាល សង្គមកិច្ច អតីតយុទ្ធជន យុវនីតិសម្បទា ការងារ បណ្តុះបណ្តាលវិជ្ជាជីវៈ និងកិច្ចការនារី គណៈកម្មការសុខាភិបាល សង្គមកិច្ច អតីត យុទ្ធជន យុវនីតិសម្បទា ការងារបណ្តុះ​បណ្តាលវិជ្ជាជីវៈ និងកិច្ចការនារី អាចហៅកាត់ថា គណៈកម្មការទី៨ និងសរសេរ ជា​អក្សរកាត់​ថា គ.ស.ស.អ.យ.ក.ប.ក ។

គណៈកម្មការសុខាភិបាល សង្គមកិច្ច អតីតយុទ្ធជន យុវនីតិសម្បទា ការងារ បណ្តុះ​បណ្តាល​វិជ្ជាជីវៈ និងកិច្ចការនារី មានតួនាទីដូចតទៅ ៖ -ជាជំនួយការរបស់គណៈកម្មាធិការអចិន្ត្រៃយ៍ព្រឹទ្ធសភាក្នុងការសម្របសម្រួលការមិន ​ចុះសម្រុងគ្នា រវាងរាជរដ្ឋាភិបាល និងរដ្ឋសភាក្នុងវិស័យរបស់ខ្លួន
-ត្រួតពិនិត្យ សិក្សាពិភាក្សា និងវាយតម្លៃកែសម្រួលខ្លឹមសារនៃអត្ថបទច្បាប់ ឬបញ្ហានានា និងលិខិត បទដ្ឋានផ្សេងៗ ដែលគណៈកម្មាធិការអចិន្ត្រៃយ៍ប្រគល់ឱ្យ។

គណៈកម្មការសុខាភិបាល សង្គមកិច្ច អតីតយុទ្ធជន យុវនីតិសម្បទា ការងារ បណ្តុះ​បណ្តាលវិជ្ជាជីវៈ និងកិច្ចការនារី មានភារកិច្ចដូចតទៅ ៖ -ជួយគណៈកម្មាធិការអចិន្ត្រៃយ៍ក្នុងការពិនិត្យលើអត្ថបទច្បាប់ឬបញ្ហានានា ដែលទាក់ទង​នឹងវិស័យសុខាភិបាល សង្គមកិច្ច អតីតយុទ្ធជន យុវនីតិសម្បទា ការងារ បណ្តុះ​បណ្តាល​វិជ្ជាជីវៈ និងកិច្ចការនារី
-នាំយកយោបល់នៃការពិនិត្យ ជាការកែសម្រួល កែលម្អ អត្ថបទច្បាប់ ឬបញ្ហានានា ទាំង​នោះ​ជូនទៅគណៈ​កម្មាធិការ​អចិន្ត្រៃយ៍វិញ ដើម្បីពិចារណា និង សម្រេច ជូន ទៅព្រឹទ្ធសភា
-ជួយគណៈកម្មាធិការអចិន្ត្រៃយ៍ ក្នុងការចុះពិនិត្យតាមដាននូវការប្រព្រឹត្តទៅ​របស់ស្ថាប័ន​ នីតិប្រតិបត្តិឱ្យស្របទៅនឹងរដ្ឋធម្មនុញ្ញ និងច្បាប់ ដើម្បីស្វែងរកការ ពិត ស្វែងយល់​គោល​គំនិត លើបញ្ហាពាក់ព័ន្ធនិងមុខជំនាញរបស់គណៈកម្មការ ហើយធ្វើ​របាយការណ៍​ជូនគណៈកម្មាធិការអចិន្ត្រៃយ៍
-ធ្វើការសម្របសម្រួល ស្វែងរកដំណោះស្រាយរវាងស្ថាប័ននីតិប្រតិបត្តិ និងនីតិប្បញ្ញត្តិ​តាមសមត្ថភាព របស់គណៈកម្មការ ដើម្បីផលប្រយោជន៍ដល់សង្គម ជាតិទាំងមូល។

គណៈកម្មការសុខាភិបាល សង្គមកិច្ច អតីតយុទ្ធជន យុវនីតិសម្បទា ការងារ បណ្តុះ​បណ្តាលវិជ្ជាជីវៈ និងកិច្ចការនារី មានសមត្ថកិច្ចដូចតទៅ ៖
ក-បង្ក និងបង្កើតទំនាក់ទំនង សហប្រតិបត្តិការរវាងក្រសួងជំនាញពាក់ព័ន្ធ (ក្រសួង​សុខាភិបាល សង្គមកិច្ច អតីតយុទ្ធជន យុវនីតិសម្បទា ការងារ បណ្តុះ បណ្តាល វិជ្ជាជីវៈ និងកិច្ចការនារី) ក្នុងគោលបំណងលើកស្ទួយជីវភាព សុខភាពរបស់ប្រជាពលរដ្ឋ។
ខ-ការពារសិទ្ធិសេរីភាព និងផលប្រយោជន៍របស់ប្រជាពលរដ្ឋ និងសមភាពយេនឌ័រតាម​ផ្លូវច្បាប់ឱ្យបានល្អប្រសើរក្នុងវិស័យដូចពោលខាងលើនេះ។
គ-ទំនាក់ទំនងឱ្យបានល្អជាមួយនឹងគណៈកម្មការទាំង៨របស់ព្រឹទ្ធសភានិងស្ថាប័ន​ផ្សេងៗ​របស់ រាជរដ្ឋាភិបាលក្រៅពីមុខជំនាញរបស់គណៈកម្មការ។