នាយកដ្ឋានព័ត៌មានវិទ្យា ICT Department
	ប្រធាននាយកដ្ឋាន Director  លោក សោម សាវុធ Mr. Som Savuth
អនុប្រធាន Deputy Director លោក ទេព ច័ន្ទសក្តាវុឌ្ឍ Mr. Tep Chansakdavuth	អនុប្រធាន Deputy Director លោកស្រី សហ័ក ច័ន្ទតារា Mrs. Sahak Chandara	អនុប្រធាន Deputy Director លោក ឡុង សុខា Mr. Long Sokha (MPA)

១-តួនាទី ៖
នាយកដ្ឋានព័ត៌មានវិទ្យា ជាសេនាធិការឲ្យអគ្គនាយកដ្ឋានព័ត៌មាន និងទំនាក់ ទំនងសាធារណៈនៃអគ្គលេខាធិការដ្ឋានព្រឹទ្ធសភា ទទួលបន្ទុកលើការងារផ្តល់សេវា ស្រាវជ្រាវព័ត៌មានវិទ្យា និងរៀបចំការងាររដ្ឋបាលឲ្យទៅជាប្រព័ន្ធរដ្ឋបាលព័ត៌មានវិទ្យាជូន ស្ថាប័នព្រឹទ្ធសភា។

២-ភារកិច្ច ៖
-គ្រប់គ្រងលើដំណើរការងារទូទៅរបស់នាយកដ្ឋានព័ត៌មានវិទ្យា
-រៀបចំធ្វើបច្ចុប្បន្នភាព និងអភិវឌ្ឍន៍គេហទំព័ររបស់ស្ថាប័នព្រឹទ្ធសភា
-ប្រមូលព័ត៌មាន ទិន្នន័យ និងឯកសារផ្សេងៗរបស់ស្ថាប័នព្រឹទ្ធសភា ដែលត្រូវផ្សព្វផ្សាយលើគេហទំព័រ
-រៀបចំការងាររដ្ឋបាលនៃអគ្គលេខាធិការដ្ឋានព្រឹទ្ធសភាឲ្យទៅជាប្រព័ន្ធរដ្ឋបាលព័ត៌មានវិទ្សា
-សហការជាមួយនឹងក្រសួងស្ថាប័នពាក់ព័ន្ធ ដើម្បីចងក្រងគោលការណ៍បទដ្ឋាននានា សម្រាប់ធានាដល់ការគ្រប់គ្រង និងអភិវឌ្ឍន៍ព័ត៌មានវិទ្យា
-រៀបចំការងារចែករំលែកទិន្នន័យ ព័ត៌មានតាមប្រព័ន្ធអ៊ិនត្រាណែត (Intranet) លើបណ្តាញកុំព្យូទ័រនៅក្នុងស្ថាប័នព្រឹទ្ធសភា
-ទទួលការផ្តល់សេវាកម្មវិធី Software ផ្សេងៗទាក់ទងនឹងតម្រូវការរបស់ស្ថាប័នព្រឹទ្ធសភា
-តាមដានស្រាវជ្រាវលើកយោបល់អំពីរបកគំហើញបច្ចេកវិជ្ជាថ្មី ឲ្យសមស្របសម្រាប់ស្ថាប័ន និងជម្រើសដំណោះស្រាយ
-រៀបចំផែនការអភិវឌ្ឍន៍ហេដ្ឋារចនាសម្ព័ន្ធ ដោយភ្ជាប់ទំនាក់ទំនងជាមួយនឹងរដ្ឋសភានិងរាជរដ្ឋាភិបាលកម្ពុជា តាមប្រព័ន្ធ (e-Parliament & e-Government)
-រៀបចំគោលនយោបាយសន្តិសុខព័ត៌មានវិទ្យាដែលពាក់ព័ន្ធនឹងការងារសម្ងាត់ និងការផ្តល់សេវាព័ត៌មានវិទ្យា
-លើកផែនការបណ្តុះបណ្តាលជំនាញព័ត៌មានវិទ្យា ជូនសមាជិកសមាជិកា និងមន្រ្តីរាជការនៃអគ្គលេខាធិការដ្ឋានព្រឹទ្ធសភា
-កៀងគរនូវជំនួយពីអង្គការក្រៅរដ្ឋាភិបាល និងអន្តរជាតិដើម្បីជួយនាយកដ្ឋានលើជំនាញព័ត៌មានវិទ្យា
-រ៉ាប់រងលើការទំនាក់ទំនងជាមួយនឹងមជ្ឈមណ្ឌលសកលសម្រាប់ព័ត៌មានក្នុងសភា (Global Center For ICT in Parliament )
-កសាងផែនការយុទ្ធសាស្រ្ត ផែនការប្រតិបត្តិ និងផែនការថវិការបស់អង្គភាព
-បំពេញភារកិច្ចដោយឡែកតាមការណែនាំរបស់អគ្គនាយកដ្ឋាន និងថ្នាក់ដឹកនាំអគ្គលេខាធិការដ្ឋានព្រឹទ្ធសភា។