នាយកដ្ឋានព័ត៌មាន

១-តួនាទី ៖

នាយកដ្ឋានព័ត៌មាន​ ជាអង្គភាពចំណុះអគ្គនាយកដ្ឋានព័ត៌មាន និង​ទំនាក់​ទំនង​សាធារណៈ​ នៃអគ្គ លេខាធិការដ្ឋានព្រឹទ្ធសភា ​ទទួលបន្ទុកផ្តល់សេវា​ព័ត៌មានប្រចាំថៃ្ង ខែ ឆ្នាំ ដំណើរកាសម័យប្រជុំ ព្រឹទ្ធសភា គណៈកម្មាធិការអចិន្រ្តៃយ៌ គណៈ​កម្មការ​ជំនាញ​ទាំង​៩​របស់ព្រឹទ្ធសភា សន្និសីទ វេទិកា សិក្ខាសាលា ព្រឹត្តិប័ត្រ និងពិព័រ៌ណ​រូបភាព ស្រប​ទៅតាម​រដ្ឋធម្មនុញ្ញ និង​បទបញ្ជា​ផ្ទៃក្នុង ជូនថ្នាក់​ដឹកនាំ សមាជិក សមាជិកា​ព្រឹទ្ធសភា និង​អង្គភាព ចំណុះ​អគ្គលេខាធិការដ្ឋានព្រឹទ្ធសភា។

២-ភារកិច្ច ៖

នាយកដ្ឋានព័ត៌មាន​ ស្ថិតនៅក្រោមការដឹកនាំរបស់ប្រធាន ១រូប និង​អនុប្រធាន​ជា​ជំនួយការមាន ភារកិច្ចស្នូលសំខាន់ៗដូចខាងក្រោម៖

-គ្រប់គ្រងដំណើរការប្រព្រឹត្តទៅរបស់នាយកដ្ឋាន

-កសាងផែនការយុទ្ធសាស្រ្ត​ ផែនការប្រតិបត្តិរបស់នាយកដ្ឋាន

-ទទួលបន្ទុកការងារបោះ​ពុម្ភឯកសារផ្សេងៗរបស់ព្រឹទ្ធសភា

-ទទួលបន្ទុកការងារបូកសរុប-ស្ថិតិរបស់ព្រឹទ្ធសភា

នាយកដ្ឋានព័ត៌មាន ដឹកនាំដោយប្រធាន​ ១រូប និងមានអនុប្រធានជាជំនួយការ ហើយ​ចែកចេញជា ០៥​ការិយាល័យចំណុះ គឺ ការិយាល័យរបៀប ការិយាល័យ​ព័ត៌មាន​ផៃ្ទក្នុងស្ថាប័ន ការិយាល័យ​ព័ត៌មានជាតិ តំបន់ និងអន្តរជាតិ ការិយាល័យ​សរុប-ស្ថិតិ និងការិយាល័យបោះពុម្ភ-ផ្សព្វផ្សាយ​។ ការិយាល័យ​នីមួយៗ​ដឹកនាំ​ដោយ​ប្រធាន ១រូប​ និងមានអនុប្រធានជាជំនួយការ ។​ដោយឡែក ការិយាល័យចំនួន០៤ ចែក​ចេញ​ជាផែ្នក ដែលដឹកនាំដោយប្រធានមួយរូប ដូចជា៖

-ការិយាល័យ​ព័ត៌មាន​ផៃ្ទក្នុងស្ថាប័ន ចែកចេញជា ៣ផែ្នក គឺ ផែ្នកព័ត៌មានផ្ទៃក្នុង ផ្នែករូបថត និងផែ្នក វីដេអូ។

-ការិយាល័យ​ព័ត៌មាន​ជាតិ តំបន់ អន្តរជាតិ ចែកចេញជា ៣ផែ្នក គឺផែ្នក​ព័ត៌មាន ជាតិ ផែ្នកព័ត៌មាន​តំបន់ និងផែ្នកព័ត៌មានអន្តរជាតិ

-ការិយាល័យ​សរុប-ស្ថិតិ ចែកចេញ ៣ផែ្នក គឺផែ្នកសរុប និងផែ្នកស្ថិតិ ។

-ការិយាល័យ​បោះពុម្ភ-ផ្សព្វផ្សាយ​ ចែកចេញជា២ផែ្នក គឺផែ្នកបោះពុម្ភ និង​ផែ្នក​ផ្សព្វផ្សាយ