| នាយកដ្ឋានពិធីការ និងទំនាក់ទំនងអន្តរជាតិ |
| Jeudi, 19 Janvier 2012 08:22 |
|
នាយកដ្ឋានពិធីការ និងទំនាក់ទំនងអន្តរជាតិ
១-រចនាសម្ព័ន្ធ នាយកដ្ឋានពិធីការ និងទំនាក់ទំនងអន្តរជាតិ ដឹកនាំដោយប្រធាន ១រូប និងមានអនុប្រធាន ជាជំនួយការ ។ នាយកដ្ឋានពិធីការ និងទំនាក់ទំនងអន្តរជាតិ ចែកចេញជា ៦ ការិយាល័យៈ ១-ការិយាល័យរបៀប ២-ការិយាល័យពិធីការ ៣-ការិយាល័យទំនាក់ទំនងសាធារណៈ ៤-ការិយាល័យ បកប្រែ ៥-ការិយាល័យទំនាក់ទំនងអន្តរជាតិ ៦-ការិយាល័យសហប្រតិបត្តិការ ការិយាល័យនីមួយៗ ដឹកនាំដោយប្រធាន ១រូប និងមានអនុប្រធាន ជាជំនួយការ ។
២-តួនាទី និងភារកិច្ច ២.១-តូនាទី ៖ នាយកដ្ឋានពិធីការ និងទំនាក់ទំនងអន្តរជាតិ ជាអង្គភាពចំណុះអគ្គលេខាធិការដ្ឋានព្រឹទ្ធសភា ទទួលបន្ទុកការងារខាងពិធីការ ទំនាក់ទំនង សាធារណៈ និងទំនាក់ទំនងអន្តរជាតិរបស់ស្ថាប័ន ព្រឹទ្ធសភា ។
២.២-ភារកិច្ច ៖ នាយកដ្ឋានពិធីការ និងទំនាក់ទំនងអន្តរជាតិមានភារកិច្ចដូចខាងក្រោមៈ ១-ចាត់ចែងទទួល និងជូនដំណើរគណៈប្រតិភូជាតិ និងអន្តរជាតិ ។ ២-ទទួលរៀបចំពិធីនានាជូនថ្នាក់ដឹកនាំព្រឹទ្ធសភា និងអគ្គលេខាធិការដ្ឋាន ។ ៣-លើកគម្រោងថវិកាចាត់ចែងសំបុត្រយន្តហោះ រៀបចំបែបបទសុំលិខិតឆ្លងដែន ទិដ្ឋាការជូន សមាជិកព្រឹទ្ធសភា និងមន្រ្តីរាជការនៃអគ្គលេខាធិការដ្ឋានដែលត្រូវទៅបំពេញបេសកកម្មនៅក្រៅ ប្រទេស ។ ៤-ទទួលបន្ទុកការងារទាំងឡាយណាដែលពាក់ព័ន្ធជាមួយសភាប្រទេសជាមិត្ត និងការងារក្រុមមិត្ត ភាព ។ ៥-រៀបចំជំនួយស្មារតី និងឯកសារនានាសំរាប់ធ្វើសវនាការជាមួយគណៈប្រតិភូបរទេស និងឯកសារ សំរាប់បំរើ បេសកកម្មទៅក្រៅប្រទេស ។ ៦-ទទួលបន្ទុកតាមដានគម្រោងកិច្ចសហប្រតិបត្តិការ រវាងស្ថាប័នព្រឹទ្ធសភាជាមួយអង្គការ អន្តរជាតិ នានាដូចជាៈ UNDP, CIDA, KAF ។ ៧-ទទួលបន្ទុកការងារសហប្រតិបត្តិការរវាងព្រឹទ្ធសភា និងអង្គការតំបន់ និងអន្តរជាតិក្នុងក្របខ័ណ្ឌ AIPA, IPU, APF, APPF, AAPP, WTO, ASEAN EU Parliaments, HABITAT, APPCED, IIFWP ។ ៨-សិក្សាស្រាវជ្រាវជាមួយអង្គការអន្តរជាតិក្នុងស្រុក ស្ថាប័នសភាអន្តរជាតិពាក់ព័ន្ធ ដើម្បីប្រមូល ព័ត៌មាន កសាងឯកសារស្តីអំពីរបបឧបត្ថម្ភសំរាប់សមាជិកព្រឹទ្ធសភា និងមន្រ្តីឲ្យសមស្របទៅនឹង សភាពការណ៍វិវឌ្ឍន៍នៅក្នុង តំបន់ និងសកលលោកសំរាប់បេសកកម្មនៅក្រៅប្រទេស ។ ៩-ចងក្រងឯកសារចាំបាច់នានា ដើម្បីបំរើការងារទំនាក់ទំនងអន្តរជាតិ ។ ១០-ផ្តល់អនុសាសន៌អំពីការងារសហប្រតិបត្តិការអន្តរជាតិ (យុទ្ធសាស្រ្ត-យុទ្ធវិធី) តាមដំណាក់កាលនីមួយៗ និងលទ្ធភាពអូសទាញជំនួយ និងការគាំទ្រ ។ ១១-បកបែ្រលិខិត និងឯកសារផ្សេងៗ ព្រមទាំងបកប្រែផ្ទាល់មាត់សម្រាប់ជំនួបជាមួយភ្ងៀវអន្តរជាតិ ។ ១២-អមគណៈប្រតិភូទៅបំពេញបេសកកម្មក្រៅប្រទេស ដើម្បីបំរើការងារបកប្រែ និងជាលេខាធិការ ឲ្យគណៈប្រតិភូ ។ ១៣-ទំនាក់ទំនងជាមួយគណៈកម្មការរៀបចំបុណ្យជាតិ-អន្តរជាតិ និងក្រសួងពាក់ព័ន្ធ ដើម្បីចូលរួម រៀបចំទិវា បុណ្យជាតិ-អន្តរជាតិ និងដំណើរទស្សនកិច្ចរបស់គណៈប្រតិភូជាន់ខ្ពស់ ។ ១៤-ទំនាក់ទំនងជាមួយអាជ្ញាធរខេត្ត-ក្រុងស្រុកឃុំ-សង្កាត់ជាមុន ដើម្បីរៀបចំពិធីចុះសួរសុខទុក្ខចែក អំណោយ ដល់ប្រជាជន និងពិធីផ្លូវការដទៃទៀតរបស់ថ្នាក់ដឹកនាំ និងភ្ញៀវបរទេសរបស់ព្រឹទ្ធសភាធ្វើ ទស្សនកិច្ច ។ |
