សម្តេចអគ្គមហាធម្មពោធិសាល ជាស៊ីម ប្រធានព្រឹទ្ធសភា​នៃព្រះរាជាណាចក្រកម្ពុជា ឯកឧត្តម ឧបនាយករដ្ឋមន្រ្តី ស ខេង រដ្ឋមន្រ្តីក្រសួងមហាផ្ទៃ និង លោកជំទាវ ញ៉ែម សាខន ព្រមទាំងបុត្រាបុត្រី ចៅប្រុសចៅស្រីនិង ឯកឧត្តម សាយ ឈុំ អនុប្រធានទី១ព្រឹទ្ធសភា ព្រមទាំង ឯកឧត្តម លោកជំទាវ សមាជិក សមាជិកា ព្រឹទ្ធសភា រដ្ឋសភា រាជរដ្ឋាភិបាល​អាជ្ញាធរខេត្ត គ្រប់លំដាប់ថ្នាក់និងសាច់ញាតិផៅសន្តានជិតឆ្ងាយរួមជាមួយ នឹងប្រជាពុទ្ធបរិស័ទ ចំណុះ ជើងវត្ត បានអញ្ជើញក្នុង ពិធី​បុណ្យកាន់បិណ្ឌវេនទី១និងបង្សុកូលឧទិ្ទសមហាកុសលជូនដល់ដួងវិញ្ញាណ​ក្ខន្ធ ​ឧបាសិកា ញ៉ែម​សឿន ដែលប្រព្រឹត្តទៅ នៅភូមិ កន្លែងជ្រៅ ឃុំក្របៅ ស្រុក កំចាយមារ ខេត្ត​ព្រៃវែង នាថ្ងៃអាទិត្យ​១៥កើតខែភទ្របទឆ្នាំរោង ចត្វាស័ក ព.ស​២៥​៥៦ ត្រូវថៃ្ងទី៣០ខែកញ្ញា ឆ្នាំ២០១២។

ជំនួបពិភាក្សា​រវាង ឯកឧត្តម ទេព ងន អនុប្រធានទី២ ព្រឹទ្ធសភា ជាមួយឯកឧត្តមសេនីយ៍ឯក ហ្វាយ៉ាប់ ថងជុន សមាជិកព្រឹទ្ធសភា និងប្រធានក្រុមមិត្តភាពសភាថៃ-កម្ពុជា នាថ្ងៃទី២៨ ខែកញ្ញា ឆ្នាំ២០១២ វិមានរដ្ឋចំការមន​ ព្រឹទ្ធសភា

នៅរសៀលថ្ងៃទី២៨  ខែកញ្ញា  ឆ្នាំ២០១២ នៅវិមានព្រឹទ្ធសភា ឯកឧត្តម ទេព ងន អនុប្រធាន​ទី២​ព្រឹទ្ធសភា​ បានអនុញ្ញាតឲ្យឯកឧត្តមវរសេនីយ៍ឯក ហ្វាយ៉ាប់ ថងជុន សមាជិក ព្រឹទ្ធសភា និងជាប្រធានមិត្តភាពថៃ-កម្ពុជា ចូលជួបធ្វើសវនាការ និងសម្តែងការគួរសម។

 ឯកឧត្តម ទេព ងន អនុប្រធានទី២​ព្រឹទ្ធសភា បានសម្តែងនូវការស្វាគមន៍យ៉ាងកក់ក្តៅចំពោះឯកឧត្តម​វរសេនីយ៍ឯក ហ្វាយ៉ាប់ ថងជុន សមាជិកព្រឹទ្ធសភា និង គណៈប្រតិភូ ដែលបានមក បំពេញទស្សនកិច្ចនៅព្រះរាជាណាចក្រកម្ពុជា ហើយតាមរយៈដំណើរទស្សនកិច្ចនេះឆ្លុះបញ្ចាំងឲ្យ​នូវការរឹតចំណងមិត្តភាព សាមគ្គីភាព និង កិច្ចសហប្រតិបត្តិការ រវាងប្រជាជន និងប្រទេសទាំងពីរ ជាពិសេសរវាងស្ថាប័ននីតិប្បញ្ញត្តិនៃប្រទេសទាំងពីរពីព្រោះថាប្រទេសយើងទាំងពីរគឺជាអ្នកជិតខាងគ្នា ​មានវប្បធម៌ ប្រពៃណី ទំនៀមទំលាប់ ប្រហាក់ប្រហែលគ្នា។